Në ditën e flamurit ushtari i plagosur rrokullis topin e parë/ Rikthehet futbolli në Ukrainë pas gjashtë muajsh

Si një tjetër simbol i rezistencës ndaj agresionit rus, ka nisur sot kampionati ukrainas i futbollit.

Herën e fundit që topi u rrokullis në fushat e Ukrainës ishte në dhjetor 2021, dhe pak para rifillimit të sezonit në fund të shkurtit, Rusia pushtoi Ukrainën dhe kampionati përfundoi.

Sot në stadiumin Olimpik të Kievit është luajtur ndeshja e parë e sezonit të ri, ndërsa ndeshjen e parë e kanë luajtur Shakhtar Donetsk dhe Metalist Kharkiv.

Të dyja skuadrat vijnë nga qytete të prekura keq nga lufta dhe kjo ndeshje, si të gjitha ndeshjet e tjera të këtij sezoni, u luajt në Kiev dhe përballë tribunave bosh.

Duke qenë se sot është Dita e Flamurit të Ukrainës, para fillimit të ndeshjes lojtarët dhe gjyqtarët mbanin me krenari flamurin e vendit të tyre dhe presidenti Volodymyr Zelensky iu drejtua turmës.

Fillimi i ndeshjes ishte veçanërisht emocionues kur një ushtar i ri ukrainas i plagosur në luftë nisi topin nga mes dhe sulmuesi i Shakhtarit, Danilo Sikan nuk mundi ta ndalonte veten të qante.

Ndryshe, ndeshja përfundoi me rezultat 0-0.

Rruga Press