Sulmi rus në uzinën e armëve në Gramsh, i ngjashëm me rastin në 2014 në bazën e Pashalimanit, lëvizjet e dyshimta

Rasti i sotëm në uzinën e armëve në Gramsh, nuk është i pari në vendin tonë, ku dyshimet janë se kanë qenë agjent rus. Në 14 tetor të vitit 2014-të tre shtetas rusë u ndaluan pranë bazës ushtarake të Pashalimanit, pasi dyshoheshin se ishin agjentë të FSB-së.

Ato janë prezantuar si gazetarë dhe se kishin ardhur në Shqipëri për të bërë një dokumentar për vendete anëtare të NATO-s. Asokohe dyshimet kanë qënë të forta se agjentët e FSB-së po mblidhnin informacion mbi të gjitha bazat ushtarake të vendeve të NATO-s.

Kjo sepse agjentët rusë të maskuar si gazetar pasi iu janë kontrolluar dokumentacioni dhe pajisjet e tyre, është parë se ata kanë fotografuar tërë bazën ushtarake të Pashalimanit, edhe në vendet ku është i ndaluar fotografimi.

Në mesin e tyre ishte dhe Sergej Belous, një emër jo i panjohur në mediat ruse. Belous, një muaj para kësaj ngjarjeje ishte ndaluar në Kosovë, ndërsa rreth 3 vite më parë u raportua se ai ishte arrestuar nga autoritetet ukrainase.

Prej asaj kohe, baza e Pashalimanit është vënë nën ruajtjen e Gardës së Republikës.

Rruga Press