Bota

Dënohet financieri i Trumpit, shpallet fajtor për mashtrim dhe evazion fiskal

Shefi i financave të kompanisë së ish-presidentit Donald Trump është shpallur fajtor për mashtrim dhe evazion fiskal nga një gjykatë e Nju Jorkut.

Allen Weisselberg, që ka shërbyer si shef i operacioneve financiare të “Trump Organization”, akuzohej për fshehjen e më shumë se 1.7 milionë dollarëve.

Ai pritet të dënohet me 5 muaj në burgun famëkeq “Rajkers Ajllënd” dhe do t’i duhet të kthejë paratë që u detyrohet tatimeve.

Nga ana e tij, Trumpi nuk është akuzuar. Ish-presidenti e ka quajtur hetimin penal të prokurorisë së Manhatanit ndaj kompanisë së pronave të patundshme të familjes së tij një “gjueti shtrigash”.

Lexo më shumë  Aeroplani luftarak rus futet në hapësirën ajrore të Suedisë

Çështja lidhet me një skemë 15-vjeçare që sipas prokurorëve ndihmoi drejtuesit e organizatës së Trumpit të shmangnin shlyerjen e taksave mbi përfitimet e korporatës nga shit-blerja dhe dhënia me qira e apartamenteve dhe automjeteve luksoze.

Hetimi synonte të verifikonte nëse Weisselberg dhe drejtues të tjerë kishin marrë përfitime pa i raportuar ato tek institucionet.

Në seancën e mbajtur, 75-vjeçari pranoi përfshirjen e tij në skemën e mashtrimit dhe përfitimet e paligjshme që rridhnin prej saj.

Lexo më shumë  Ukraina vazhdon importimin rekord të rrymës, për shkak të dëmeve në infrastrukturën energjetike

Weisselberg, i konsideruar një nga ortakët më besnikë të Trumpit, punoi për ish-presidentin për rreth 50 vjet. Ai e la detyrën si shef i operacioneve financiare të cilën e mbante që prej 2005-s vitin e kaluar, kur u arrestua.

Edhe kompania e ish-kreut të shtetit është gjithashtu e pandehur në këtë proces, me avokatët e saj që pretendojnë pafajësinë.

Rruga Press

YouTube player

Leave a Reply

Your email address will not be published. Required fields are marked *