Bota

Bisha amerikane e ajrit zbret në Poloni

Bisha amerikane e ajrit ka mbërritur në Poloni. Për të treguar se e kanë seriozisht mbrojtjen e aleatëve, amerikanët kanë sjellë në Evropë avionin e tyre më të avancuar, që nuk ia shesin askujt, F-22 Raptor.

Shumë vende të botës kërkojnë ta blejnë këtë avion amerikan të gjeneratës së pestë, mbretin e ajrit, por deri më tani amerikanët nuk ia kanë shitur askujt.

Që në vitin 1998 amerikanët ishin të shqetësuar se teknologjinë e tyre ajërore për avionët F-22 mund ta merrnin kinezët apo rusët, ndaj e ndaluan me Kongres shitjen e kësaj serie.

Lexo më shumë  Alarm në Poloni pas sulmeve ruse në Ukrainë, dyshohet për shkelje të hapësirës ajrore nga objekte të paidentifikuara

Sot, për shkak të luftës në Ukrainë, amerikanët e kanë dërguar avionin e tyre në Poloni, për të treguar se janë krah aleatëve të NATO-s në këtë luftë.

Më herët, vetë presidenti amerikan Biden do të thoshte nga Polonia se Rusia nuk duhet as ta çojnë nëpër mend që të prek qoftë edhe 1 centimetër katror të një vendit të NATO-s.

Amerikanët janë duke bërë plane për të përforcuar krahun lindor të NATO-s, ndërsa gjermanët dhe francezët, si aleatë të fortë të NATO-s, kanë dërguar armatime dhe trupa.

Lexo më shumë  Hungaria pritet të heqë veton, Ukrainës i hapet rruga drejt BE-së

Komanda ajërore e NATO-s, në lajmin për dërgimin e avionit F-22 Raptor në Poloni shkroi se ky dislokim është shprehje e qartë e përkushtimit të NATO-s për gatishmërinë në mbrojtje të aleatëve dhe për të promovuar sigurinë dhe stabilitetin rajonal.

Rruga Press

YouTube player

Leave a Reply

Your email address will not be published. Required fields are marked *