U jepte informacione rusëve për pozicionet e ukrainasve, arrestohet bashkëpunëtori në Zaporizhzhia nga Shërbimi Sekret i Ukrainës

July 11, 2022July 11, 2022 user 1

Një kolaboracionist rus që i kishte dhënë informacione Moskës për pozicionet mbrojtëse të ukrainasve – është arrestuar nga Shërbimi Sekret i Ukrainës (SBU).

Ky person nga Odea u arrestuar në Zaporizhzhia, ku për destinacion kishte pasur shkuarjen në rajonin e Donetskut që kontrollohet nga forcat separatiste pro-ruse.

Sipas SBU-së, kolaboracionisti kishte vënë kontakte me lidershipin e të ashtuquajturës Republika Popullore e Donetskut (DNR) dhe organizatorët dhe sponsoruesit e ushtrisë së saj.

Lexo më shumë Momenti kur makina e politikanit pro-Putin shpërthen në “tentativë për vrasje” – pasi ai doli vullnetar për të luftuar në Ukrainë

Thuhet se ai ishte pajtuar që do t’i shërbej me nder “Republikës Popullore të Donetskut”, dhe ishte bërë gati që të largohet nga rajoni që kontrollohet nga ukrainasit.

“Ai mblidhte informacione për pozicionet mbrojtëse të Ukrainës, dhe mobilizimin në rajonin e Odesas që i merrte nga kontaktet e vazhdueshme që i kishte me banorët e atjeshëm”, thuhet në kumtesën e SBU-së.

Lexo më shumë Rusia shënoi numrin më të lartë të viktimave ditore që nga fillimi i luftës në Ukrainë

Ndryshe forcat ukrainase dhe ato ruse, edhe sot kanë vazhduar luftimet e ashpra në pothuajse tërë territorin e Ukrainës.

Rruga Press