Kukulla e Putinit tërbohet me presidentin rus, bën thirrje për “rrafshim” të Ukrainës

Vladimir Solovyov tha se do të ishte një “gjest i vullnetit të mirë” për të shkatërruar infrastrukturën kyçe në pjesën të mëdha të Ukrainës.

Përgjatë një paraqitjeje të bujshme televizive, një nga përhapësit kryesorë të propagandës televizive të Vladimir Putinit u shfaq i tërbuar se përparimi i fundit i vendit të tij në luftë është i kufizuar në përfundimin e pushtimit të rajonit të Luhanskut.

Rusia pësoi një kthim të madh pas vetëm ditë më parë kur shefat e mbrojtjes urdhëruan tërheqje nga ishulli i gjarpërinjve në Detin e Zi mes sulmeve të vazhdueshme nga forcat ukrainase, por këmbëngulën se masa ishte bërë si një “gjest i vullnetit të mirë”.

Ky që konsiderohet turpërim për Putinin ka zemëruar shumë nga njerëzit në rrethin e tij, të cilët e shohin humbjen e Ishullit të Gjarprit si një tjetër dështim poshtërues.

Ka pasur zemërim gjithnjë në rritje gjatë javëve të fundit nga njerëzit e linjave të ashpra në Moskë për atë që ata e konsiderojnë ritmin e ngadaltë të Rusisë dhe ambiciet e kufizuara në luftën me Ukrainën.

Tani me një shpërthim të neveritshëm, gazetari kukull i Putinit, Solovyov u hakërrye në kanalin shtetëror Rossiya 1: “A ka mundësi që të shkatërrohet distrikti qeveritar në qendër të Kievit – si një gjest vullneti i mirë? Një gjest i vullnetit të mirë – në lidhje me furnizimin e sasive të mëdha të pajisjeve të NATO-s. A ka mundësi që përfundimisht të shkatërrohet e gjithë infrastruktura civile, ushtarake dhe e transportit në perëndim të Ukrainës? Si një gjest i vullnetit të mirë, shkatërroni të gjitha nënstacionet elektrike, kullat televizive.”

Kukulla e propagandës së Putinit gjithashtu kërkoi që gjeneralët rusë “të privojnë plotësisht vendin nga energjia elektrike, furnizimi me ujë, komunikimet – si një gjest i vullnetit të mirë”.

Ishulli i Gjarpërinjve ka qenë qendror në luftë që prej fillimit kur mbrojtësit ukrainas i thanë një luftanijeje ruse që po afrohej “shkoni shkërdh… veten”.

©Rruga Press