Mot i keq në Shqipëri – Shënohet viktima e parë e rrufeve

Moti i keq ka shënuar një viktimë në Malësi të Madhe këtë të enjte.

Mësohet se, si pasojë e shkarkesave elektrike dhe rrufeve në fshatin Dedaj, Njësisë Administrative Shkrel, ka humbur jetën një person.

Nuk dihet identiteti i viktimës.

Orët e fundit vendi është përfshirë nga reshje intensive shiu, shkarkesa elektrike dhe shtrëngata.

Sinoptikanët parashikojnë se reshjet do të zgjasin deri të premten, kryesisht në veri të vendit, ndërsa përmirësimi i motit do të nisë në fundjavë.

Rruga Press