Kush është diplomatja gjermane që do zëvendësojë Luigi Sorecan në Shqipëri

Ambasadori i BE-së në Shqipëri, Luigi Soreca përfundoi mandatin. Nisur nga kjo, shefi i diplomacisë së BE-së, Joseph Borrel ka caktuar një gjermane në vendin e tij. Bëhet fjalë për Christiane Hohmann, e cila aktualisht shërben si ambasadore e Gjermanisë në Estoni.

Më herët, zonja Hohmann ka shërbyer edhe si ambasadore e Gjermanisë në Bosnje dhe Hercegovinë.

Hohmann ka qenë mjaft e angazhuar gjatë muajve të fundit në Estoni për shkak të luftës në Ukrainë.

Ajo ka qenë vazhdimisht në qendër të vëmendjes së mediave vendase për shkak të deklaratave dhe zyrtarëve të lartë gjermanë në lidhje me dërgimin ose jo të armëve të rënda në Ukrainë.

Rruga Press