Dy vite nga shembja e Teatrit Kombëtar, aktivistë dhe qytetarë me pankarta ku bëjnë thirrje për drejtësi

Mëngjesin e 17 majit 2020, në orën 04:30 u shembën dy ndërtesat e Teatrit Kombëtar dhe atij Eksperimental. Artistë, aktivistë, politikanë, gazetarë kërkuan për dy vite të shpëtonin teatrin nga shkatërrimi.

Fadromat rrethuan godinën e teatrit, në orët e vona të natë në pabesi, aty ku qytetarë, artistë e aktivistë qëndronin për t’i bërë rezistencë qeverisë, e cila ishte vendosur t’i shtypte kërkesat e tyre. Tentativat për të ndalur shembjen e teatrit çuan në përplasje të forta mes tyre dhe forcave të policisë.

Pas 12 orësh aksion, ajo çka mbeti ishin vetëm rrënojat e dy godinave.

Por sot ndodhemi në kushte të tjera. Kanë kaluar tashmë dy vite dhe përgjegjësia për veprën e shkatërrimit të Teatrit Kombëtar ka mbetur ”jetime”, ndonëse vazhdon e luhet ping pong ndërmjet qeverisë dhe bashkisë në fjalë.

Ndërkaq aktivistë të shumtë kanë organizuar një deklaratë të përbashkët për mediat ku kërkojnë drejtësi dhe shqyrtimin e çështjes së teatrit.

RRuga PRess