Reagon Kamberi: ‘Šiptare preko Prokletija’? Aty na duan? Përtej Bjeshkave të Nemura?

Pas aplikimit të Republikës së Kosovës për antarësim në Këshillin e Evropës, Serbia ka mbajtur Këshillin Kombëtar për Siguri të Serbisë.

Pas mbledhjes së Këshillit Kombëtar për Siguri të Serbisë, Ministri i Jashtëm serb, Selakoviq, dhe Kryetari i Parlamentit serb, Daçiq, dolën me deklarata ku lajmëronin vazhdimin e fushatës për çnjohjen e Republikës së Kosovës.

Këto deklarime e kanë nxitur deputetin shqiptar në parlamentin serb Shaip Kamberi, që të reagoje. Më poshtë keni statusin e plotë të z. Kamberi:

Dy zyrtarë nga pushteti i Serbisë, Ministri i Punëve të Jashtme të Serbisë, Nikolla Selakoviqi i SNS dhe kryetari i Kuvendit të Serbisë Ivica Daçiqi nga SPS u deklaruan njëzëri sot për aktivizimin e fushatës për çnjohje të pavarësisë së Kosovës.

Paralelisht të njëjtat parti të Qeverisë e Serbisë angazhohen vrullshëm për pasivizimin e vendbanimeve të shqiptarëve në Serbi dhe për eliminimin e atyre pak shqiptarëve të mbetur në institucionet e Serbisë, përderisa duan vet të përfshihen në vendimmarjet e Komunës së Luginës së Preshevës ku shqiptarët janë shumicë.

S’duan Pavarësi të Kosovës.

Madje s’duan shqiptarë as në institucione dhe as në shtëpitë e tyre brenda Serbisë.

‘Šiptare preko Prokletija’? Aty na duan? Përtej Bjeshkave të Nemura?

Rruga Press