Kryeministri i Holandës do të dërgojë armë të rënda në Ukrainë

Holanda do të dërgojë armë të rënda në Ukrainë duke përfshirë automjete të blinduara, tha kryeministri Mark Rutte të martën.

Në një postim në Twitter, Rutte tha se ai dhe ministrja holandeze e Mbrojtjes Kajsa Ollongren i kishin shprehur mbështetjen e tyre presidentit ukrainas Volodymyr Zelensky në një bisedë telefonike, “ndërsa Rusia fillon një ofensivë edhe më të madhe në lindje të Ukrainës”.

“Së bashku me aleatët, ne po shikojmë ofrimin e pajisjeve shtesë më të rënda,” tha Rutte.
Zelensky gjithashtu postoi në Twitter pas telefonatës, duke thënë se ai kishte informuar Rutten “për përkeqësimin e situatës në Donbas” dhe ishte “mirënjohës” për mbështetjen.

“Kur të rivendoset paqja, ne do të ndërtojmë marrëdhëniet Ukrainë-Holandë të një cilësie të re së bashku në BE!” tha Zelensky.

Rruga Press