Kadetët e FSK-së përfunduan stërvitjen “Gjithmonë Stoik” (Foto)
Ministri i Mbrojtjes Armend Mehaj ka njoftuar se Kadetët e Forcës së Sigurisë së Kosovës e kanë përfunduar stërvitjen fushore “Gjithmonë stoik” që është edhe moto e klasës së tyre.
Sipas tij, Kadetët e klasës 024 e kanë përfunduar me sukses këtë stërvitje.
“Kadetët u vlerësuan në terren kompleks, adaptim në drille të betejës nga mjedisi malor në mjedis urban, bunker e transhe, zjarr indirekt dhe zona të kontaminuara – ditën dhe natën”, tha Mehaj.
Ministri shtoi se Kadetët qëndruan stoik pas 38 km patrullim dhe 15 misione të ndryshme.
“Ju lumtë krenaria jonë”, përfundoi ai.
Rruga Press