Lorela Cubaj bëhet shqiptarja e parë në WNBA

Lorela Cubaj është bërë shqiptarja e parë që ka arritur të futet në ligën më të fortë të basketbollit në botë, WNBA.

Ajo është zgjedhur nga skuadra New York Liberty në raundin e dytë të draftin e WNBA-s, në një këmbim që klubi bëri me Seattle Stormin.

Menjëherë pasi u fut në ligën më të fortë në botë, Cubaj ka shkruar se është tejet falënderuese për shansin e dhënë.

Cubaj ishte zgjedhur dy herë lojtarja më e mirë defensive në ligën e kolegjeve, me fanellën Georgia Techut.

Në sezonin e fundit, Cubaj ka luajtur me një mesatare prej 10.1 pikëve dhe 11.1 kërcimeve për ndeshje.

Rruga Press