Po vdesin nga uria për shkak mbylljes nga COVID-19, video tronditëse nga Shangai

Shangai një nga qytetet më të mëdha dhe me një popullësi të dendur në Kinë konsiderohet tani si ‘Whani i ri’ pas rritjes së rasteve të infektuar nga COVID-19.

Në qytetin ku jetojnë më shumë se 26 milion banorë, vetëm ditën e djeshme rezultuan të infektuar me COVID-19, 24 mijë e 943 persona.

Ndërkohë që në qendrën financiare është shpallur shtetrrethimi në kuadër të politikave të “rastit zero”, vetëm punonjësit e kujdesit shëndetësor, vullnetarët dhe personeli i dërgesave mund të largohen nga shtëpitë e tyre.

Ndërsa izolimi i plotë në qytetin ku jetojnë miliona njerëz, ka shkaktuar probleme në furnizimet me ushqime dhe kjo duket në videot e shpërndara në rrjete sociale ku shfaqen britmat e revoltës së njerëzve nga shtëpitë e tyre.

Eksperti global i sigurisë shëndetësore Dr. Eric Feigl-Ding deklaroi se uria po rritet me shpejtësi në rajon dhe tha se është i shqetësuar se do të ndodhë një tragjedi shumë më e madhe. 

Thuhet se shumë njerëz në qytet hanë një vakt në ditë. 

Për më tepër, thuhet se ndërsa dorëzimi i ushqimit kushtonte 30 juanë në periudhën para karantinës, tarifa e dorëzimit tani është rritur në 200-300 juanë.

Rruga Press