Kancelari austriak pas takimit me Zelenskyn në Kiev: Do të zgjerojmë mbështetjen tonë për Ukrainën

Presidenti i Ukrainës, Volodymyr Zelenskyy, u takua sot pasdite në Kiev me kancelarin austriak Karl Nehammer.

Ky i fundit ndodhet në kryeqytetin e Ukrainës për një vizitë njëditore në shenjë mbështetjeje, raporton skynews.

Gjatë takimit me Zelenskyn, ai i tha presidentit ukrainas se “Austria po ju mbështet në çdo kapacitet dhe ne do të zgjerojmë mbështetjen tonë”.

Nehammer është planifikuar gjithashtu të vizitojë Bucha, periferia e Kievit që ka qenë qendra e akuzave për krime lufte ruse pas tërheqjes së ushtrisë nga veriu i vendit.

Ai do të takohet gjithashtu me kryetarin e bashkisë së Kievit, Vitali Klitschko.

Rruga Press