Foto – prekëse/ Liudmyla pret 3 ditë në këmbë para godinës, kërkon nipin dhe motrën

Fotoja, e shkrepur në Borodyanka, një qytet afër Kievit, tregon një grua të ulur në një karrige ndërkohë që shpëtimtarët po mundohen të nxjerrin të mbijetuarit nga rrënojat që mbetën pas nga sulmet ruse në Borodynka. Sipas Daily Mail, identiteti i gruas është i paqartë, megjithëse burimet ukrainase thonë se ajo quhet Liudmyla dhe është nga qyteti Borodynka. Thuhet se ekipet e shpëtimit i kanë sjellë asaj një karrige, sepse ajo kishte qëndruar në këmbë për tre ditë duke pritur që shpëtimtarët të nxjerrin nga rrënojat motrën dhe nipin e saj.

 Prokurorja e Përgjithshme e Ukrainës, Iryna Venediktova tha të enjten se 26 trupa ishin gjetur nën dy ndërtesa të rrënuara në qytetin Borodyanka të rajonit të Kievit, i cili po kontrollohet nga autoritetet pasi trupat ruse që e pushtuan atë u tërhoqën.

Rruga Press