Rusia do të nis ofensivë në Ukrainën lindore

Forcat ruse ka të ngjarë të nisin një ofensivë në shkallë të plotë në rajonin lindor të Ukrainës në Luhansk “përafërsisht për disa ditë”, tha guvernatori i rajonit.

Serhiy Haidai i tha Sky News-it se shkalla e vdekjes dhe shkatërrimit në Luhansk mund të jetë më e keqe se ajo e parë në Mariupol, Bucha dhe Irpin.

Është një vlerësim rrëqethës, duke pasur parasysh se Mariupol ka parë bombardime pothuajse të vazhdueshme dhe duket se ka pasur vrasje masive civile në Bucha.

Rreth 70% e Luhanskut aktualisht kontrollohet nga trupat ruse, tha zoti Haidai. Rajoni lindor, i cili së bashku me Donetsk njihet si Donbas, ka qenë skena e luftimeve me separatistët pro-rusë që nga viti 2014. Konflikti është intensifikuar në zonë vetëm që kur Rusia nisi pushtimin e saj në shkurt.

Haidai përshkroi “bombardimet e vazhdueshme” të zonave ende të mbajtura nga Ukraina, me shkolla dhe spitale mes objektivave.

“Nuk kemi asnjë spital që të mos jetë bombarduar”, tha ai.

Rruga Press