Britania e Madhe shpall ligje të reja që synojnë oligarkët rusë

Britania ka prezantuar ligje të reja që synojnë “të parandalojnë qasjen e oligarkëve rusë në shërbimet teknike të aviacionit dhe detar të Mbretërisë së Bashkuar”.

Një deklaratë nga Ministria e Jashtme shtoi se kjo do të “ndalonte mirëmbajtjen e avionëve ose anijeve që u përkasin oligarkëve rusë të sanksionuar ose bizneseve të tyre”.

Ajo gjithashtu konfirmoi se sanksionet do të forcohen ndaj biznesmenëve rusë Eugene Shvidler dhe Oleg Tinkov.

Sekretarja britanike të Punëve të Jashtme, Liz Truss, tha: “Nuk ka dyshim se [Vladimir] Putin dhe elita e tij janë befasuar nga forca e sanksioneve tona”.

“Ne do të vazhdojmë të rrisim presionin për sa kohë që trupat ruse janë në Ukrainë, duke synuar jo vetëm bizneset e oligarkëve, por edhe pasuritë e tyre dhe stilin e jetesës ndërkombëtare”.

“Sanksionet e ashpra do ta ndihmojnë Ukrainën të arrijë zgjidhjen më të mirë të mundshme të paqes dhe në fund të sigurojë që pushtimi i Putinit të dështojë. Ky është fokusi ynë”.

Rruga Press