Zelensky u kërkon vendeve që prodhojnë energji të rrisin prodhimin e naftës dhe gazit për të shmangur shantazhin e Rusisë

Presidenti ukrainas Volodymyr Zelensky u kërkoi vendeve prodhuese të energjisë në Forumin e Dohas në Katar të shtunën të rrisin prodhimin e naftës dhe gazit për të shmangur shantazhin global të Rusisë.

“E ardhmja e Evropës varet nga përpjekjet tuaja, unë ju kërkoj të rrisni prodhimin e energjisë në mënyrë që Rusia ta kuptojë se ju nuk mund ta përdorni energjinë si armë”, tha Zelensky në forumin politik virtualisht.

“Katari mund të japë kontributin e tij në stabilizimin e Evropës,” tha ai.

Zelensky gjithashtu iu referua vendeve të tjera të goditura nga konflikti, duke thënë se rendi ndërkombëtar duhet të mbrohet jo vetëm për Ukrainën, por për Afganistanin, Irakun dhe Jemenin.

Presidenti ukrainas paralajmëroi gjithashtu për efektin e mundshëm që pushtimi ka në eksportet e ushqimit nga Ukraina në vendet anembanë botës, duke thënë se asnjë vend nuk është i siguruar nga ndërprerja e ushqimit.

© Rruga Press