Video/ Tifozi humb toruan, qëllon televizorin me armë pas penalltisë së humbur nga Burak Yilmaz

Burak Yilmaz shënoi golin e rezultatit momental 2-1 kundër Portugalisë, por pati një mundësi të shkëlqyer për të kompletuar dopietën dhe barazuar shifrat në 2-2.

Nëse do ta kthente në gol penalltinë, ndoshta do ta kishte shmangur humbjen e Turqisë në “Dragão” dhe si pasojë lamtumirën nga Kupa e Botës 2022.

Sulmuesi dhe kapiteni 36-vjeçar goditi keq nga pika e bardhë në minutën e 85-të, gjë që çoi në dëshpërimin e miliona tifozëve turq, si ky që shohim në këtë video.

Përpara se sulmuesi të nisej për te topi dhe ta godiste atë drejt portës nga pika e bardhë, tifozi turk e kishte drejtuar armën drejt televizorit dhe qëlloi pak pasi kuptoi se Yilmaz nuk e gjeti dot portën portugeze.

Në fund të lojës, tejet i prekur, gati me lot në sy, Yilmaz shpalli tërheqjen nga kombëtarja.

Rruga Press