Pasi iku “me bisht ndër shalë” nga Ukraina, lideri çeçen ironizon Zelenskyn

Lideri çeçen Ramzan Kadyrov, i cili është edhe miku i ngushtë i presidentit Rus Vladimir Putin, pasi u tërhoq nga Ukraina pas shpartallimit të batalionit të tij, tashmë ka nisur një tjetër luftë ndaj presidentit ukrainas, Volodymir Zelensky, atë në rrjetet sociale.

Për shkak të të shkuarës së Zelenskyt si aktor, Kadyrovi ka ironizuar duke thënë se i ofron një mundësi të artë presidentit ukrainas për të punuar në televizion.

“Sapo Zelenskiy t’i përgjigjet thirrjes sonë për ta ndaluar rezistencën dhe për t’u ulur në tryezë për bisedimet e paqes, ne do t’ia japim atij një mundësi të tillë. Ne madje mund të organizojmë një shfaqje të veçantë në Grozny. Pas përfundimit të operacionit ushtarak, ish-presidenti i Ukrainës do të duhet të fitojë diku, dhe Ayub kërkon t’i jepet një shans. Oferta e është e vlefshme për një kohë të kufizuar. Sepse do të jetë shumë vonë më vonë”, shkruan Kadyrovi në Telegram .

Rruga Press