Fjalimi kundër luftës nga Arnold Schwarzenegger bëhet trend në Rusi

Aktori hollivudian Arnold Schwarzenegger në një video adresim përmes Twitterit drejtuar popullit rus është bërë trend në Twitter të premten dhe ka ngjallur reagime të shumta, shkruan BBC.

Në të, Schwarzenegger paralajmëron rusët se po ushqehen me dezinformata rreth sulmit të vendit të tyre ndaj Ukrainës.

Duke iu drejtuar drejtpërdrejt presidentit rus Vladimir Putin, ai thotë: “Ju e nisët këtë luftë dhe ju mund ta ndaloni atë”.

Fjalimi i tij është vlerësuar nga rusët që kundërshtojnë luftën në Ukrainë.

Rusia ka thënë vazhdimisht se lufta në Ukrainë ishte një “operacion special” për të mbrojtur ukrainasit rusishtfolës.

Por në videon e tij, Schwarzenegger tha se Kremlini po gënjen rusët kur tha se pushtimi kishte për qëllim “denazifikimin” e Ukrainës.

Ukraina nuk e filloi luftën, por “ata në pushtet në Kremlin”, tha ai.

Video ka mbledhur milion klikime dhe është trend në Rusi.

Schwarzenegger është një nga profilet e pakta të ndjekura nga llogaritë zyrtare të Kremlinit në Twitter në gjuhën ruse dhe angleze.

I love the Russian people. That is why I have to tell you the truth. Please watch and share. pic.twitter.com/6gyVRhgpFV

— Arnold (@Schwarzenegger) March 17, 2022

Rruga Press