Italia sekuestron kompleksin luksoz milionësh të oligarkut rus

Italia ka sekuestruar një kompleks pallatesh në Sardenjë, që është pjesërisht në pronësi të biznesmenit rus, Piotr Olegovich Aven, njoftoi sot zyra e kryeministrit Mario Draghi.

Operacioni i sekuestros ishte pjesë e një përpjekjeje të gjerë perëndimore për të vendosur sanksione ndaj rusëve të lidhur me presidentin, Vladimir Putin, si ndëshkim për hyrjen e ushtrisë ruse në Ukrainës, që prej 24 shkurtit.

Mësohet se biznesmeni rus zotëron një të tretën e pasurisë së konfiskuar, ndërsa vlera e pasurisë vlerësohet të jetë rreth katër milionë euro. Për sa i përket pjesës tjetër të kompleksit nuk është ende e qartë se cili e zotëron.

Aven është në listën e sanksioneve të BE-së që kur Rusia pushtoi Ukrainën.

Ai është investitor nafte që ka ndërtuar një perandor biznesi prej 4.7 miliardë dollarësh në Evropë. Në dy javët e fundit, policia italiane ka sekuestruar vila dhe jahte me vlerë qindra milionë euro nga rusët e shquar që kanë qenë në listat e sanksioneve të BE-së që nga pushtimi i 24 shkurtit.

Rruga Press