Rusët po ndjejnë ndikimin e izolimit ndërkombëtar në rritje

Kremlini po përpiqet të zbusë efektet e sanksioneve perëndimore.

Tregtimi në bursën e Moskës do të pezullohet pjesërisht të mërkurën, dhe njerëzit me llogari bankare në valutë të huaj tani përballen me një kufi se sa para mund të tërheqin.

Por rusët mund ta shohin vetë se vendi i tyre është gjithnjë e më i izoluar, shkruan bbc.

Atje disa dyqane perëndimore tashmë janë mbyllur dhe ndër tjerash edhe Starbucks, l’Oreal, Coca-Cola dhe Pepsi njoftuan se po tërhiqen nga Rusia.

Kështu ka bërë edhe McDonalds, i cili për shumë simbolizoi një marrëdhënie të re me Perëndimin kur hapi restorantin e tij të parë ndërsa perdja e hekurt u shemb.

Presidenti Vladimir Putin kontrollon fort atë që qytetarët e tij shohin të dëgjojnë dhe lexojnë për atë që ai e quan “operacioni i tij special ushtarak” në Ukrainë – dhe shumë rusë e mbështesin atë.

Por ai ende nuk e ka heshtur zërin e protestës. Të martën, më shumë se 90 njerëz u raportuan se ishin arrestuar gjatë demonstratave në rrugë.

Rruga Press