Deputetët e Kosovës e dënojnë agresionin e Rusisë ndaj Ukrainës
Kuvendi i Kosovës sot është duke mbajtur seancë ku pikë e rendit të ditës është edhe “Rezoluta e Kuvendit të Republikës së Kosovës në mbështetje të Ukrainës dhe popullit të saj në rezistencë ndaj agresionit rus”.
Shefja e Grupit Parlamentar të Lëvizjes Vetëvendosje, Mimoza Kusari-Lila ka thënë se do të ofrojë për Ukrainën mbështetjen e pa rezervë.
Ajo ka shtuar se Kosova ndjen dhimbjen dhe humbjen e Ukrainës duke shtuar se në Ukrainë tashmë po dokumentohen krimet e luftës.
“Ne jemi me Ukrainën” është mesazhi që ka mbuluar tavolinat para secilit deputet të Kosovës në nisje të seancës plenare të enjten.
Kosova është bashkuar me vendet perëndimore në dënimin e agresionit rus në Ukrainë.
Qeveria ka miratuar më herët vendimin që t’i strehojë 20 gazetarë ukrainas deri në 6 muaj.
Në rend dite sot është rezoluta e Kuvendit në mbështetje të Ukrainës dhe popullit të saj në rezistencë ndaj agresionit rus.
Rruga Press