Von der Leyen: Ukraina i përket BE-së
Ukraina i përket Bashkimit Evropian dhe blloku dëshiron që ky vend të anëtarësohet, ka thënë të dielën shefja e Komisionit Evropian, Ursula von der Leyen.
“Ne kemi një proces me Ukrainën që është, për shembull, integrimi i tregut ukrainas në tregun e vetëm”, ka thënë von der Leyen për Euronews pasi njoftoi planet që Bashkimi të sigurojë rreth 500 milionë euro në armë dhe ndihma të tjera për ushtrinë ukrainase ndërsa lufton me pushtuesit rus.
“Ne kemi bashkëpunim shumë të ngushtë në rrjetin e energjisë, për shembull. Kaq shumë tema ku ne punojmë shumë ngushtë së bashku dhe në të vërtetë me kalimin e kohës, ato na përkasin neve. Ata janë njëri prej nesh dhe ne i duam brenda”, ka shtuar Von der Leyen.
Presidenti i Ukrainës, Volodymyr Zelenskyy, ka njoftuar të dielën vonë në Twitter se ka biseduar me Von der Leyen në telefon për “vendime konkrete për forcimin e aftësive mbrojtëse të Ukrainës, ndihmën makro-financiare dhe anëtarësimin e Ukrainës në BE”.
Rruga Press