Deputetë komunalë, gazetarë dhe shkencëtarë rusë shkruajnë letra të hapura në kundërshtim të pushtimit

Më shumë se 180 deputetë komunalë nga qytete anembanë Rusisë, duke përfshirë Moskën, Shën Petersburgun, Samarën dhe Volgogradin, ndër të tjera, kanë nënshkruar një letër të hapur duke dënuar me forcë vendimin e Putinit për të pushtuar Ukrainën.

“Ne jemi të bindur se qytetarët e Rusisë nuk i dhanë atij një mandat të tillë”, thuhet në letrën e zyrtarëve rajonalë, përpara se të paralajmërohet se inkursioni do të ketë “pasoja katastrofike”.

“Kjo është një mizori e pashembullt për të cilën nuk mund të ketë justifikim”, shton letra. Letra gjithashtu u bën thirrje rusëve të mos “heshtin” për sulmin, duke thënë se “vetëm dënimi masiv popullor mund ta ndalojë luftën”.

Në dy letra të tjera të hapura, më shumë se 240 gazetarë dhe 260 shkencëtarë shprehën gjithashtu kundërshtimin e tyre ndaj lëvizjes së Kremlinit.

Rruga Press