Ekipi i Ministrisë së Shëndetësisë vaksinon afganët e strehuar përkohësisht në Kosovë
Një ekip i Ministrisë së Shëndetësisë ka vaksinuar afganët e strehur përkohësisht në kampin Bondsteel në Kosovë me vaksina të poliomelitit.
Kështu ka bërë të ditur ambasada amerikane përmes një njoftimi.
![](https://rrugapress.al/wp-content/uploads/2022/02/274572662_312859447539782_6129861382959581581_n-1536x1024-2-1024x683.jpeg)
Sipas tyre, ky lloj vaksinimi është kusht që afganët të mund të zhvendosen në Shtetet e Bashkuara.
“Të premten, një ekip i Ministrisë së Shëndetësisë vaksinoi afganët e strehuar përkohësisht në kampin Liya/Bondsteel me vaksina të poliomelitit të dhuruara nga Kosova, duke i sjellë ata një hap më afër plotësimit të kërkesave për udhëtimin e tyre dhe zhvendosjen në ShBA. Faleminderit Kosovë për mikpritjen dhe bujarinë tuaj”, thuhet në njoftimin e ambasadës.
Rruga Press