Nis zbatimi i skenarit rus – Separatistët pro-rusë i bëjnë thirrje Kremlinit për njohje

Udhëheqësit e republikave të vetëshpallura popullore i kërkuan zyrtarisht Vladimir Putinit të njohë pavarësinë e tyre në një thirrje të koordinuar të hënën, një veprim që do të ndezë më tej situatën në Ukrainën lindore.

“Njohja e Rusisë e Luhanskut do të lejojë parandalimin e humbjeve të jetës së qytetarëve të republikës, 300,000 prej të cilëve janë rusë”- tha kreu i Republikës Popullore të Luhanskut, Leonid Pasechnik në një video të transmetuar në televizionin shtetëror rus. Rusia ka lëshuar pasaporta për qindra mijëra banorë të enklavave të kontrolluara nga separatistët.

Pothuajse në të njëjtën kohë, Denis Pushilin, kreu i Republikës Popullore të Donetskut, shkoi në televizionin shtetëror rus për t’i kërkuar gjithashtu Putinit ta njohë atë si një shtet të pavarur.

Duke folur të hënën në Këshillin e Sigurisë Kombëtare të Rusisë, Putin tha se ideja duhet të konsiderohet:

“Qëllimi ynë është të dëgjojmë kolegët tanë dhe të përcaktojmë hapat tanë të ardhshëm në këtë drejtim, duke pasur parasysh si thirrjet e liderëve të DNR-së dhe LNR-së për të njohur pavarësinë e tyre.”

Të dy liderët separatistë kanë pohuar se ushtria ukrainase po planifikonte një sulm për të rimarrë rajonet e Donbasit, pretendime të mohuara kategorikisht nga Ukraina dhe të refuzuara nga perëndimi.

DNR dhe LNR mbajnë vetëm rreth gjysmën e rajonit të Donbasit, por pretendojnë të drejtën për territorin e kontrolluar nga Ukraina. Vëzhguesit kanë paralajmëruar se nëse Putini lëviz për të njohur territoret, kjo mund të përshkallëzojë më tej situatën në rajon. Duma Shtetërore e Rusisë javën e kaluar mbështeti një rezolutë që bën thirrje për njohjen diplomatike të dy shteteve pro-ruse. Putin fillimisht e vuri në pritje vendimin për njohjen e shteteve, duke thënë se Kremlini preferoi ta zgjidhte ngecjen aktuale përmes procesit të paqes në Minsk.

Rruga Press