VIDEO/Raportohen për shpërthime të mëdha në Luhansk të Ukrainës
Video të shumta kanë nisur të shpërndahen në rrjete sociale të premten në mbrëmje duke treguar shpërthime të mëdha që raportohen të kenë ndodhur në Luhansk të Ukrainës, qendër që udhëhiqet nga separatistët.
Videoja nuk është e verifikuar, por raportohet se shpërthimi ka ndodhur pasi një gazsjellës ka marrë flakë.
Me heret, Presidenti i Shteteve të Bashkuara të Amerikës, Joe Biden u shpreh i bindur se Rusia do ta pushtojë Ukrainën. Ndërsa thekson se nuk është vonë për të gjetur një zgjidhje përmes negociatave. “Që nga ky moment, jam i bindur se ai e ka marrë vendimin”, tha Biden në një konferencë për mediat nga Shtëpia e Bardhë, duke iu referuar presidentit rus.
Duke folur në një konferencë nga Shtëpia e Bardhë, Biden tha se akuzat ruse se Ukraina po planifikon të nisë një sulm në Donbasin e kontrolluar nga separatistët, nuk qëndrojnë.
“Kjo është në përputhje me skenarin rus të cilin Shtetet e Bashkuara dhe aleatët kanë paralajmëruar për javë të tëra”, theksoi Biden. Presidenti amerikan paralajmëroi për “sanksione të rënda” ndaj Rusisë nëse pushtohet Ukraina.
Rruga Press