(Video) Kurti: Shkolla dhe ushtria janë dy garantues të mëdhenj 

Para ceremonisë së parakalimit të ushtarëve të Forcës së Sigurisë së Kosovës dhe Policisë së Kosovë për nder të 14-vjetorit të Pavarësisë së Kosovës, kryeministri i Kosovës, një pjesë të fjalimit ia kushtoi edhe luftimit të korrupsionit.

“Nëse korrupsioni na kërcënon çdo ditë, ne do ta luftojmë në çdo orë. Kosova është çështje e të gjithëve, për të përparuar ajo ka nevojë për të gjithë ne”, ka theksuar Kurti.

I pari i ekzekutivit, para qytetarëve dhe të ftuarve në sheshin “Zahir Pajaziti”, theksoi se rrugëtimi i Kosovës ka qenë i gjatë dhe i mundimshëm.

“Por edhe me krenari dhe nder. Sot i kujtojmë heronjtë tanë që dhanë jetën, vuajtjen, flijimin e heronjve, atyre që na kujtojnë sesa e shtrenjtë është liria dhe sa mirë është të jesh i lirë”, tha kryeministri Kurti.

Kurti tha se Kosova qëndron si pantere e palëkundur përkrah shteteve mike e aleate.

“Garancia e paqes në peshën aktuale të konflikteve është ekzistenca efektive e aleancës atlantike. NATO është kushti i paqes për të gjithë ne”, përfundoi kryeministri.

Kryeministri Kurti e mbylli fjalimin e tij duke thënë se shkolla dhe ushtria janë dy garantues të mëdhenj të dijes publike dhe rendit shtetëror.

Rruga Press