Hungaria dhe Polonia humbin fondet nga BE-ja

Hungaria dhe Polonia e kanë humbur sfidën e tyre gjyqësore ndaj një rregulli të BE-së që lejon që miliarda euro financime të kushtëzohen nga standardet demokratike.

Gjykata Evropiane e Drejtësisë vendosi se respektimi i sundimit të ligjit ishte kusht për të gëzuar anëtarësimin në BE.

Qeveritë në Hungari dhe Poloni janë akuzuar gjerësisht për kthim prapa të standardeve viteve të fundit.

Partia qeverisëse e Hungarisë e dënoi vendimin si një vendim politik.

GJED vendosi se “menaxhimi i shëndoshë financiar i buxhetit të BE-s” mund të rrezikohet seriozisht nga shkeljet e shtetit të së drejtës.

Shtetet anëtare të BE-së nënshkruan për vlerat e përbashkëta si sundimi, ligji dhe solidariteti dhe se BE-ja duhet të jetë në gjendje t’i mbrojë ato vlera.

Të dy vendet janë hetuar për minimin e pavarësisë së gjykatave, mediave dhe organizatave joqeveritare dhe të dyja janë përfituesit kryesorë të financimit të BE-së.

Vendimi i gjykatës mund të ndikojë në mënyrën se si miliarda euro të parave të rikuperimit të Covid ndahen midis shteteve anëtare.

Zëvendësministri polak Janusz Kowalski akuzoi BE-në se po përpiqet t’i mbyt nga uria financiarisht Hungaria dhe Polonia.

“Ky është fundi i BE-së siç e njohim ne. Ne duhet ta mbrojmë sovranitetin polak”, tha ai.

Ndërkohë në Hungari, ku partia qeverisëse Fidesz e Viktor Orban po bën fushatë për të fituar një mandat të katërt në detyrë, ministrja e drejtësisë Judit Varga akuzoi BE-në për shpërdorim të pushtetit.

Në një deklaratë, presidentja e Komisionit Evropian, Ursula von der Leyen tha se mekanizmi i sundimit të ligjit kishte për qëllim mbrojtjen e buxhetit të BE-së për të mirën e të gjithë qytetarëve të BE-së.

Udhëzimet do të jepen në javët e ardhshme për të dhënë “qartësi të mëtejshme se si ne e zbatojmë mekanizmin në praktikë”, shtoi ajo.

Rruga Press