Qeveria kërkon shpërndarjen e parlamentit të Malit të Zi

January 20, 2022 user 1

Në një seancë elektronike, e cila u zhvillua, Qeveria e Malit të Zi ka vendos të propozojë shkurtimin e mandatit të Kuvendit të Malit të Zi.

Në rendin e ditës thuhet se propozimin e vendimit për shkurtimin e mandatit në Kuvend e ka dorëzuar kryeministri i Malit të Zi, Zdravko Krivokapiq.

Sipas Kushtetutës së Malit të Zi, mandati i Parlamentit mund të përfundojë para kohe – duke e shkurtuar ose shpërndarë atë, raporton rtcg.

Propozimin për reduktim mund ta paraqesin Presidenti i Malit të Zi, Qeveria ose së paku 25 deputetë, ndërsa vendimi për zvogëlimin e mandatit merret me shumicën e votave të të gjithë deputetëve.

Lexo më shumë Franca do të rrisë arsenalin bërthamor dhe forcon bashkëpunimin me aleatët evropianë

Megjithatë, neni 92 i aktit më të lartë ligjor shpjegon se si mund të bëhet kjo:

Kuvendi shpërndahet nëse nuk e zgjedh Qeverinë brenda 90 ditëve nga dita kur Presidenti i Malit të Zi emëron mandatarin për herë të parë;

Nëse Kuvendi për një kohë të gjatë nuk i kryen kompetencat e përcaktuara me Kushtetutë, Qeveria, pasi të dëgjojë mendimin e kryetarit të Kuvendit dhe kryetarit të grupimeve parlamentare në Kuvend, mund ta shpërndajë Kuvendin;

Lexo më shumë Arabia Saudite thotë se ka "zmbrapsur" dronët që përpiqeshin të godisnin një ndër objektet më të mëdha të rafinimit dhe eksportit të naftës në botë

Kuvendi shpërndahet me dekret të Presidentit të Malit të Zi;

Kuvendi nuk mund të shpërndahet gjatë gjendjes së luftës ose të jashtëzakonshme, nëse është iniciuar votëbesimi ndaj Qeverisë, si dhe në tre muajt e parë të konstituimit të tij dhe tre muaj para skadimit të mandatit të tij;

Presidenti i Malit të Zi shpall zgjedhjet ditën e parë pas shpërndarjes së Kuvendit.

Rruga Press