Ukraina alarmohet me qëndrimin e Biden: I hapi dritën jeshile Putinit për sulm

January 20, 2022 user 1

Presidenti amerikan, Joe Biden deklaroi në konferencën e parë për shtyp të mërkurën se ai beson se Rusia do të ndërmarrë një sulm në Ukrainë.

Ai theksoi se në rast të një pushtimi të Ukrainës, do ketë sanksione shumë të rënda ndaj Rusisë.

Por ai i befasoi të gjithë kur tha se një ‘inkursion i vogël’ rus mund të marrë një përgjigje më të butë.

Lexo më shumë Kryeministri suedez deklaron se Deti Baltik tani është “në rrezik të lartë” pas sabotimit të dyshuar me kabllo

Ashtu siç pritej, deklarata e Biden ka tërbuar zyrtarët në Ukrainë.

Një zyrtar i këtij vendi, duke folur për CNN pas konferencës për shtyp, tha se “ky qëndrim potencialisht i hap dritën jeshile Putinit për të hyrë në Ukrainë sipas qejfit të tij”.

Edhe BBC në një analizë shkruan se kjo deklaratë ka ngritur pikëpyetje nëse Biden po i jep lejen Putinit për një inkursion të mundshëm.

Lexo më shumë Ndihma norvegjeze për Ukrainën do të arrijë në 2.7 miliardë dollarë në 2025

Më tej, BBC thekson se aleatët e NATO-s janë zemëruar për shkak se Biden foli hapur për dallimet mes aleatëve të NATO-s në lidhje me këtë çështje.

Disa orë përpara deklaratës së Biden, presidenti francez, Emmanuel Macron tha në Parlamentin Evropian se evropianët duhet të kryejnë dialogun e tyre me Moskën.

Rruga Press