Arrestohen dy shtetas serbë në Maqedoni, trafikonin imigrantë nga Kuba

January 13, 2022 user 1

Arrestohen dy shtetas serbë, pasi policia ka konstatuar se në automjetin e tyre po transportohen nëntë persona, imigrantë nga Kuba, të cilët ilegalisht kanë hyrë në shtet.

Nga ana e nëpunësve policorë nga Stacioni policor për vendkalim kufitar dhe mbikëqyrje kufitare Bogorodicë, janë privuar nga liria F.S. (20) dhe B.E. (19), të dy shtetas serbë.

Lexo më shumë Ukraina godet për herë të parë qytetet në afërsi të Uralit

“Në afërsi të pompës së benzinës te vendi Smokvica, gjatë kontrollit të automjetit të tipit ’golf’, me targa serbe, të drejtuar nga F.S. dhe bashkudhëtar B.E., u konstatua se në automjetin po transportohen nëntë persona, imigrantë nga Kuba, të cilët ilegalisht kanë hyrë në shtet”, thuhet në kumtesën e sotme të MPB-së.

Në koordinim me prokurorin publik nga PTHP për NKKO Shkup, shoferi dhe bashkudhëtari janë arrestuar dhe kundër tyre do të ngriten padi adekuate, ndërsa imigrantët janë dërguar në Qendrën transite “Vinojug” në Gjevgjeli.

Lexo më shumë Gjermania do të dislokojë njësi detare në Mesdhe para një misioni të mundshëm në Ngushticën e Hormuzit

Rruga Press