Kriza për ushqime në Kinë, banorët shkëmbejnë telefonat për pak oriz dhe lakër

KINË –  Situata paraqitet tepër e rënduar në qytetin kinez të Xi’an-it ku disa banorë të karantinuar kanë përdorur metodën e shkëmbimit të furnizimeve ditët e fundit, pasi shqetësimet për mungesën e ushqimit vazhdojnë.

Sipas CNN, postimet në mediat sociale tregojnë banorët që shkëmbejnë furnizimet dhe madje edhe pajisjet e teknologjisë në këmbim të ushqimit. Rreth 13 milionë janë mbyllur në shtëpitë e tyre që nga 23 dhjetori dhe aktualisht nuk mund të largohen për të blerë ushqim. Ditët e fundit shumë kanë hyrë në rrjetet sociale me ankesa të shumta. Autoritetet kanë ofruar ushqim falas për familjet, por disa kanë thënë se furnizimet e tyre po mbarojnë ose se nuk kanë marrë ende ndihmë.

Videot dhe fotot në faqen e mediave sociale treguan njerëzit që këmbenin cigare me lakër, lëng për larjen e enëve me mollë dhe peceta higjienike për një grumbull të vogël perimesh. Një video tregoi një banor që po tregtonte lojën e tij Nintendo Switch me një pako petë dhe dy simite të ziera në avull. Media raportoi gjithashtu se një burrë tjetër kishte dashur të ndërronte një smartphone dhe një tablet për oriz. Megjithatë, disa ishin më optimistë dhe komentuan se sa “të prekur” ishin nga dashamirësia e fqinjëve të tyre për të ndarë furnizimet e tyre me ta.

Xi’an është në epiqendrën e shpërthimit aktual të Covid në Kinë dhe autoritetet lokale kanë miratuar masa drastike të cilat kanë tërhequr kritika të konsiderueshme në internet. Në një incident të fundit, banorëve në kompleksin e banesave Mingde 8 Yingli në jug të qytetit thuhet se iu tha vetëm pas mesnatës së 1 janarit se duhej të linin shtëpitë e tyre dhe të shkonin në objektet e karantinës.

Rruga Press