“Shumica e banorëve nuk kanë firmosur”, nis prishja e 3 shtëpive në “5 maj”
Ka nisur shembja e disa banesave në lagjen “5 maj” të kryeqytetit.
Inspektoriati Kombëtar i Mbrojtjes së Mjedisit mbërriti mëngjesin e sotëm në këtë zonë dhe ka nisur shembjen e banesës së parë. Sipas informacioneve, është rënë dakord të shemben 3 shtëpi për të cilat pronarët e tyre kanë arritur marrëveshje kompensimi.
Por, fillimisht, një pjesë e banorëve të “5 majit” bllokuan hyrjen e punonjësve të IKMT-së, por pas bisedimeve është lejuar që të prishen ato banesa për të cilat pronarët kanë pranuar marrëveshjen me bashkinë.
Disa banorë të tjerë janë vendosur në tarracat e banesave për të mos lejuar prishjen e shtëpive të tyre.
Për “Faxnews”, një banor ka kundërshtuar marrëveshjen e prishjes së banesës së tij dhe i kërkon bashkisë së kryeqytetit të reflektojë. Ai thekson se shumica e banorëve të zonës nuk kanë arritur asnëj marrëveshje për dëmshpërblim për prishjen e shtëpive të tyre.
“Ka pasur presion për firmosur marrëveshje. Më ka bërë përshytpje. Nuk do ta firmos kurrë. Parimisht, nuk jam dakord që të bëhet diçka që nuk e dua me zor. Ata të refklektojnë me ata që nuk kanë firmosur sepse janë shumica. Nuk u ka shkuar presioni te kocka”, deklaroi banori për “Faxnews”.
Rruga Press