Vjosa Osmani nuk humb kohë/ Thërret partitë për datën e zgjedhjeve në Kosovë

December 21, 2020 user 1

Faton Peci, shefi i kabinetit të Ushtrueses së Detyrës së Presidentit të Kosovës, Vjosa Osmani thotë se ajo do të ftojë që të martën në takim të gjitha partitë politike për të caktuar datën e zgjedhjeve.

“Ne planifikojmë qysh nesër të ftojmë të gjitha partitë politike për t’u dakorduar për datën e zgjedhjeve”, – ka thënë Peci në Kanal 10. Ai tha se Vendimet e Gjykatës Kushtetuese janë obliguese për të gjitha institucionet.

Lexo më shumë Vuçiqi do të formojë një lëvizje politike të stilit të Putinit si kundërpërgjigje ndaj protestave, zotohet për marrëdhënie vëllazërore me Kinën e Rusinë

Gjykata Kushtetuese nxori vendimin që i dha të drejtë kërkesës së Lëvizjes Vetëvendosje për shpalljen të pavlefshëm të votimit në Kuvendin e Kosovës për zgjedhjen e Qeverisë Hoti më 3 qershor, pasi për këtë qeveri kishte votuar edhe deputeti Etem Arifi, i cili në ato momente ishte i dënuar me vendim të formës së prerë.

Sipas këtij vendimi të Kushtetueses pritet që vendi të shkojë në zgjedhje të jashtëzakonshme brenda 40 ditësh nga data e shpalljes së tyre.

Lexo më shumë Çeku: Disa qyqarë të orkestruar nga partia tentuan të pengojnë tubimin e Vetëvendosjes në Skenderaj, politika primitive nuk kalon

Rruga Press