Prag lufte me Ukrainën/ NATO do t’i dërgojë një letër Rusisë me propozime për zgjidhjen e konfliktit

January 26, 2022 user 1

NATO pritet t’i dërgojë një propozim me shkrim Rusisë deri në fund të kësaj jave për të gjetur një gjuhë të përbashkët e për të sheshuar tensionet në kufirin me Ukrainën.

Këtë e ka konfirmuar për CNN, Sekretari i Përgjithshëm, Jens Stoltenberg.

“Ne do të theksojmë se jemi gati të ulemi… dhe të diskutojmë kontrollin e armëve, çarmatimin, transparencën në aktivitetet ushtarake, mekanizmat e reduktimit të rrezikut dhe çështje të tjera që janë të rëndësishme për sigurinë evropiane.

Lexo më shumë Seuli: Rusia, raketa kundërajrore Koresë së Veriut në këmbim të ushtarëve

Dhe gjithashtu të ulemi dhe të dëgjojmë shqetësimet ruse”, u shpreh Stoltenberg.

Shefi i NATO-s tha javën e kaluar se aleanca ushtarake perëndimore së shpejti do t’i dërgonte Rusisë propozimet e saj me shkrim, duke iu përgjigjur kërkesave të sigurisë së Moskës dhe do të sugjeronte bisedime serioze për kontrollin e armëve dhe masat e transparencës për aktivitetet ushtarake dhe të vendosjes së raketave.

Rruga Press

Lexo më shumë Një epokë e re në bashkëpunimin ushtarak: Ja se si vendet anëtare të BE-së “po bashkohen për një mbrojtje të avancuar”