Toka shënon vitin e gjashtë më të nxehtë

Toka ka mbetur në vitin e gjashtë më të nxehtë të regjistruar më 2021, sipas disa matjeve të temperaturës.

Dhe shkencëtarët thonë se viti jashtëzakonisht i nxehtë është pjesë e një trendi afatgjatë të ngrohjes që tregon shenja përshpejtimi.

Dy agjenci shkencore amerikane – NASA dhe Administrata Kombëtare Oqeanike dhe Atmosferike – dhe një grup privat matës publikuan llogaritjet e tyre për temperaturën globale të vitit të kaluar, të enjten, dhe të gjithë thanë se nuk ishte shumë prapa viteve ultra të nxehtë si ai i 201-s dhe 2020-s, raporton AP.

Gjashtë llogaritje të ndryshme zbuluan se viti 2021 ishte midis vitit të pestë dhe të shtatë më të nxehtë që nga fundi i viteve 1800. NASA tha se viti 2021 ishte i lidhur me vitin 2018 për vendin e gjashtë më të ngrohtë, ndërsa NOAA e vendos vitin e kaluar në vendin e gjashtë më vete, përpara 2018-s.

Shkencëtari i NASA-s, Gavin Schmidt, ka thënë se trendi afatgjatë i ngrohjes shihet qartë dhe se po ndodhë “për shkakun tonë”, dhe shtoi se nuk do të rregullohet derisa nuk ndalim rritjen e sasisë së dioksidit të karbonit në atmosferë.

Të dhënat e NASA-s dhe NOAA-s pajtohen në atë se tetë vitet e fundit kanë qenë më të ngrohtit ndonjëherë të regjistruar.

Rruga Press