Politika në ZI/ Ndërron jetë Presidenti i Parlamentit Evropian, David Sassoli

January 11, 2022 user 1

Presidenti i Parlamentit Evropian, socialdemokrati italian David Sassoli, ka ndërruar jetë gjatë natës së mbrëmshme në vendlindje, në moshën 65-vjeçare. Përfaqësuesi i Presidentit të Parlamentit Evropian, Roberto Cuillo ka bërë të ditur lajmin e trishtë. Sassoli ishte i shtruar në një spital në Aviano-s, të Italisë, aty ku dha dhe frymën e fundit.

“David Sassoli vdiq më 11 janar në orën 0:15 në qendrën onkologjike të Aviano-s, Itali, ku ishte i shtruar në spital” që nga fundi i dhjetorit, njoftoi përmes Tëitterit përfaqësuesi.

Lexo më shumë Ukraina nuk do të anëtarësohet në NATO për sa kohë që unë jam në krye të qeverisë sllovake – thotë kryeministri Fico

BBC shkruan se ish-gazetari italian dhe politikani i qendrës së majtë ishte i sëmurë rëndë për më shumë se dy javë. Për shkak të gjendjes së tij shëndetësore, Sassoli anuloi të gjitha aktivitetet zyrtare.

Presidenti i PE u shtrua në spital në Itali muajin e kaluar për shkak të një komplikacioni serioz me sistemin e tij imunitar. Në shtator, Sassoli u dërgua në spital në Strasburg, ku u trajtua për një rast të rëndë të pneumonisë. Ai rifilloi detyrat e tij politike në nëntor.

Lexo më shumë Ndriçohet qielli mbi Bejrut nga “topi i madh i zjarrtë” derisa dëgjohen shpërthime të fuqishme – një raketë bie në qytetin verior të Izraelit

Pas lajmit të trishtë për ndarjen nga jeta të David Sassolit reagime të shumta ka patur nga figura politike.

Rruga Press