Në vetëm gjashtë ditë, Koreja e Veriut lëshon raketën e dytë të dyshuar
Koreja e Veriut ka lëshuar një raketë të dyshuar, më pak se një javë pasi lëshoi atë që pretendonte që ishte një raketë balistike. BBC raporton se kjo raketë vjen menjëherë pasi gjashtë vende lëshuan një deklaratë duke i kërkuar veriut të pushojë “veprimet destabilizuese”.
“Ushtria jonë zbuloi një raketë balistike të dyshuar të lëshuar nga Koreja e Veriut nga toka në drejtim të Detit Lindor,” tha shefi i përbashkët i shtabit të Koresë së Jugut.
Koreja e Veriut e ka mirëpritur vitin e ri me dy teste raketash radhazi. Testi i sotëm mund të përkojë me një takim të Këshillit të Sigurimit të OKB-së në Nju Jork, SHBA dhe aleatët e saj dënuan nisjen e javës së kaluar.
Por mund të kryejë edhe disa funksione të tjera dhe mund të jetë largimi i vëmendjes së publikut nga një situatë gjithnjë e më e rëndë ekonomike në vend, e cila është përkeqësuar nga pandemia e koronavirusit. Një mundësi tjetër mund të jetë tërheqja e vëmendjes së Uashingtonit, i cili ka treguar pak interes për rifillimin e negociatave me Phenianin pas samitit të dështuar midis ish-presidentit Donald Trump dhe Kim Jong-un në 2019.
Rruga Press