Rënia e konsumit, inflacionin e mbajnë ushqimet, Nurja: Më pak të ardhura

Pandemia e Covid-19 dhe kriza ekonomike që po e shoqëron ka tkurrur ndjeshëm konsumin.

Të dhënat zyrtare tregojnë se inflacioni aktualisht po mbahet vetëm nga grupi i ushqimeve dhe pijeve jo-alkoolike, diçka negative në sytë e ish-drejtoreshës së INSTAT, Ines Nurja, për shkak të peshës së madhe që zënë shpenzimet për këtë kategori në buxhetet e familjeve shqiptare.

Të gjithë treguesit flasin për një tkurrje të ekonomisë dhe rrjedhimisht të të ardhurave të qytetarëve, por rëndon më shumë tek ata që kanë më pak.

Duke u nisur edhe nga perceptimi i individëve dhe bizneseve për ekonominë, Nurja shprehet se muajt në vijim do të përkeqësojnë situatën financiare të familjeve shqiptare, çka do të rezultojë në një rritje të atyre që jetojnë nën kufijtë e varfërisë absolute, me më pak se 2 dollarë dita.