Policia nuk toleron shkelësit e masave anti-Covid/ Mbi 225 mln lekë gjoba në fundjavë

Policia e Shtetit shtrëngon dorën ndaj qytetarëve dhe subjekteve që shkelin masat anti-Covid.

Gjatë fundjavës, strukturat e Policisë së Shtetit kanë vendosur 2106 masa administrative në të gjithë vendin, për shkelje të masave anticovid, konkretisht:

• 2005 masa për mosvendosjen e maskës mbrojtëse;
• 7 masa për shkeljen e vetëkarantinimit të detyrueshëm;
• 9 masa për subjektet që nuk kanë respektuar protokollet e sigurisë dhe orarin e mbylljes;
• 85 masa për këmbësorët që janë konstatuar duke lëvizur pas orës 22:00.

“Gjatë kontrolleve në fundjavë janë shoqëruar në ambientet e Policisë në të gjithë vendin, 21 shtetas që nuk kanë pranuar t’i tregojnë punonjësve të Policisë dokumentin e identifikimit, të cilët pasi kanë paraqitur dokumentin e identifikimit, janë ndëshkuar me masën administrative 3.000 lekë dhe më pas janë lënë të lirë“, njofton Policia.

Në total, shuma e gjobave të vendosura nga Policia arrin në mbi 225 milionë lekë.