Boronicat, ‘sekreti’ i bukurisë!

Boronicat, përveç se janë shumë të shijshme, ato janë edhe burim natyror i rinisë së ‘përjetshme’. Ato janë të pasura me antioksidantë, prandaj edhe janë shumë të ushqyeshme për lëkurën tuaj.

Boronicat mbrojnë lëkurën kundër radikaleve të dëmshme, dhe meqë janë të pasura me vitamin C, ato bëjnë që lëkura juaj të duket më e shkëlqyer dhe më e re.

Kur vjen puna te maskat për fytyrë, koreanët e mbajnë vendin e parë. Sipas tyre, maskat me boronicë, ndihmojnë për ripërtrirjen e lëkurës dhe vitalitetin e saj.

Boronica mund të ndihmojë edhe në rritjen e flokëve, sepse forcon kapilarët e flokëve, por nuk bën pa e përmendur, që boronicat mund të ju ndihmojnë edhe në humbjen e peshës.

Dr. Stevem Bolling, nga University i Michiganit, ka treguar se boronicat janë shumë të shëndetshme edhe për zemër. Ato ndihmojnë në parandalimin e sëmundjeve të zemrës dhe diabetit. Por, boronicat ndihmojnë edhe për një shikim më të mirë. Royal Air Force, në Norvegji, gjatë Luftës së Dytë Botërore, i detyruar pilotët të hajnë boronica, në mënyrë që të kenë shikim më të mirë.

Boronicat njihen edhe si ushqim për trurin. Nëse keni ndonjë provim, ose ndonjë test, ju këshillojmë që të hani boronica, sepse sipas publikimeve në Journal of Neuroscience, dëshmohet se boronicat mund të ndihmojnë për kujtesë.