Miliarderi Bill Gates bën parashikimin: Kur do të ndodhë pandemia e ardhshme

Vaksinat COVID-19 të zhvilluara nga Pfizer dhe BioNTech po presin aprovimin e FDA, por multi-miliarderi i teknologjisë Bill Gates paralajmëron se një virus tjetër është i pashmangshëm.

“Shpresojmë se mund të jetë 20 vjet nga tani, por ne duhet të supozojmë se mund të jetë 3 vjet nga tani. Ekziston një probabilitet i arsyeshëm që bota të përballet me diçka të tillë në 10 ose 15 vitet e ardhshme”, u shpreh Bill Gates.

Themeluesi i gjigantit ‘Microsoft’  ka zbuluar në programin e tij, Bill Gates dhe Rashida Jones, mendimet e tij mbi të ardhmen e pandemive globale.

Në një bisedë të gjerë me aktorin dhe shkrimtarin Jones, Gates përshkroi shpresat e tij për një botë post-COVID dhe çfarë sfidash do të përballet njerëzimi.

Sipas gazetës AS, Gates kishte paralajmëruar më parë për mundësinë e një pandemie në mbarë botën dhe beson se një tjetër është pothuajse e pashmangshme në një botë gjithnjë e më të globalizuar. Kur u pyet për këtë, ai tha:

“Shpresojmë se mund të jetë 20 vjet nga tani, por ne duhet të supozojmë se mund të jetë 3 vjet nga tani. Ekziston një probabilitet i arsyeshëm që bota të përballet me diçka të tillë në 10 ose 15 vitet e ardhshme”, tha ai.

Në programin e tyre, Rashida Jones dhe Bill Gates biseduan me doktor Anthony Fauci për atë që mund të presin në muajt e ardhshëm dhe si do të duket bota pas COVID-19.

Gates jep mendimet e tij mbi botën post-covid

Përparimet mjekësore në javët e fundit kanë dhënë shpresë se një fund i pandemisë së coronavirusit është i mundur, me një numër të kompanive farmaceutike që kanë regjistruar prova të suksesshme të vaksinimit. Por sipas Gates eliminimi i virusit nuk do të çonte në një kthim në jetën para-covid.

Ai tregon për rritjen e ‘punonjësve nga shtëpia’ pasi punonjësit dhe punëdhënësit janë detyruar t’i përshtaten kufizimeve të distancës sociale. Teknologji si video konferenca e bëjnë punën në distancë më të vlefshme se kurrë më parë dhe Gates tha në konferencën DealBook të New York Times se praktikat e punës janë ndryshuar për të mirë.https://www.youtube.com/embed/9afTl9z5JHQ

“Parashikimi im do të ishte që mbi 50% e udhëtimeve të biznesit dhe mbi 30% e ditëve në zyrë do të zhduken”, tha Bill Gates mbi efektet e qëndrueshme që do të ketë pandemia e coronavirusit në vendin e punës.

Parashikimet pandemike nuk janë asgjë e re për Gates

Ndërsa shpërthimi i coronavirusit në vitin 2020 dukej se i zinte në befasi udhëheqësit botërorë, Gates ka vite që flet për kërcënimin e një pandemie globale. Në një video ku ai flet në vitin 2015, Gates paralajmëroi se SHBA dhe vendet e tjera nuk ishin të përgatitur për një pandemi:

“Nëse ndonjë gjë vret mbi 10 milionë njerëz në dekadat e ardhshme, ka shumë të ngjarë të jetë një virus tepër infektiv sesa një luftë”, tha ai. “Jo raketa, por mikrobe”.

Kohët e fundit, në vitin 2018, filantropi miliarder i tha një audience në një diskutim epidemie të organizuar nga Shoqëria Mjekësore e Massachusetts se një pandemi mund të zhdukë dhjetëra miliona nëse nuk luftohet në mënyrë efektive. Ai përmendi një simulim të kryer nga Instituti për Modelimin e Sëmundjeve që sugjeronte që një version modern i pandemisë së gripit të vitit 1918 tani do të vriste rreth 30 milionë njerëz në vetëm gjashtë muaj.

“Ne nuk do të jemi kaq budallenj për herë të dytë”

Pavarësisht paralajmërimit të tij për pandemitë e ardhshme, Gates është optimist se ne do të mësojmë disa mësime nga keq-trajtimi i COVID-19, të cilat mund të ndihmojnë njerëzimin të shmangë një përsëritje. Në programin e tij ai sugjeroi që sëmundja tjetër do të ishte “më pak shkatërruese” sepse ne “do ta kemi praktikuar” përgjigjen tonë ndaj saj.