Ish-polici serb i Bosnjës gjykohet për vrasje të civilëve boshnjakë dhe kroatë

Nisi gjyqi i ish-policit rezervist serb të Bosnjës Dusan Culibrk, i cilët akuzohet për përfshirje në vrasjen e më shumë se 50 boshnjakëve dhe kroatëve në zonën Bosanska Krupa në vitin 1992.

Gjyqi i Dusan Culibrk u hap në gjykatën shtetërore të Bosnjës të mërkurën me leximin e aktakuzës që e akuzon atë për përfshirje në nxjerrjen e 44 civilëve nga kampi i paraburgimit Omarska në komunën Bosanska Krupa në gjysmën e dytë të korrikut 1992, dhe më pas vrasjen e tyre.

Prokurori Ahmed Mesiç tha se të burgosurit civilë u lidhën me tela dhe u qëlluan për vdekje në gropën Lisac, ku eshtrat e tyre u zhvarrosën dhe më pas u identifikuan në vitin 2000.

Pika e dytë e aktakuzës e akuzon Culibrk për marrjen e shtatë civilëve në fshatin Donji Dubovik në fillim të gushtit 1992, duke çuarjen e tyre në gropën Lisac dhe më pas vrasjen e tyre. Eshtrat e tyre u gjetën gjithashtu në vitin 2000.

Culibrk u akuzua si anëtar i forcës rezerviste të policisë në Stacionin e Sigurisë Publike në Bosanska Krupa.

Avokati mbrojtës Drazen Zubak tha se Culibrk ka një alibi pasi u plagos rëndë më 18 qershor 1992 dhe më pas u trajtua deri në mes të tetorit të atij viti.

Një i pandehur i dytë, Milorad Kotur nuk u paraqit në seancë në nëntor dhe për të po lëshohet një urdhër arresti. Prokuroria shtetërore ka thënë se ai jeton në qytetin serb të Novi Sadit dhe është shtetas i Serbisë.

Gjykata shtetërore ka nxjerrë një vendim që e ndan procedurën gjyqësore ndaj Koturit nga ajo ndaj Culibrkut.

Gjyqi i Culibrk do të vazhdojë më 10 janar./balkaninsight/

Rruga Press