Lajme

Zhvlerësohet euro, arrin nivelin më të ulët ndaj lekut që prej 2019-ës

Euro  shvlersohet ndjeshëm ndaj lekut shqiptar. Aktualisht në tregun e këmbimit valutor në vend një euro po shkëmbehet me 120.7 lekë i cili rezulton niveli më i ulët i regjistruar që prej gushtit të 2019.

Në këtë periudhë para krizës euro u ul duke kapur nivelin e 120.8 lekëve  e ndikuar edhe nga prurjet e turistëve pasi rezulton që ka qenë piku si sezonit turistik në vend. Këto rezultojnë se  janë vlerat më të ulëta historike që po prek monedha evropiane ndaj lekut shqiptar.

Lexo më shumë  Nënoficerja e FSK-së, Shpresa Gashi diplomon në Akademinë e Nënoficerëve në ShBA

Nëse  e krahasojmë vlerën e euros ndaj lekut në raport me të njëjtën periudhë të një viti më parë  euro ka humbur 2.85 pikë. Arsyet kryesore të shvlerësimit të monedhës evropiane ndaj lekut lidhen me qarkullimin e shumtë të kësaj monedhe në ekonominë shqiptare.

Kjo pasi remitancat kanë njohur një bum gjatë 9 muajve duke kapur shifrën e 541 milionë eurove. Po ashtu ndikim në forcimin e lekut ndaj euros ka ndikuar edhe marrja e një eurobondi prej 650 mln eurosh.

Lexo më shumë  Shënohet 81-vjetori i lindjes së Ukshin Hotit, Kurti: Detyra e tij ishte t’ia thotë të vërtetën popullit

Një tendencë e tillë e shvlerësimit të euros pritet të vijoj deri në fund të  muajit janar. Shvlerësimi i euros është pozitiv për të gjithë ata qytetarë që kanë marrë kredi në euro pasi do të paguajnë më pak për këstin e kredisë.

Përfitues nga kjo situatë është  edhe qeveria, pasi paguan më pak interesa  për borxhin e  huaj për shkak të zhvlerësimit të valutës në vend. Por rënia e euros dëmton, eksportuesit të cilët i shesin mallrat me monedhën evropiane. /abc/
Rruga Press

YouTube player

Leave a Reply

Your email address will not be published. Required fields are marked *