Morën pjesë në festë/ 70 mjekë të spitalit spanjoll infektohen me COVID-19
SPANJË- Rreth 70 mjekë dhe infermierë të cilët, punojnë në njësinë e kujdesit intensiv në një spital spanjoll kanë rezultuar pozitivë me Covid-19. CNN raporton se mjekët u infektuan pasi morën pjesë në një festë Krishtlindjesh.
Sipas informacioneve në festë ishin të pranishëm 173 persona, ku 70 prej tyre u infektuan. Autoritetet njoftuan se personat që rezultuan pozitivë me Covid-19 kishin të gjithë teste antigjeni ose vaksinime të treta përforcuese përpara se të merrnin pjesë në festë.
Autoritetet shëndetësore shprehen se është një situatë e frikshme dhe po hetojnë burimin e infeksionit. Deri tani dyshohet se një burim i mundshëm infeksioni mund të ketë qenë një vakt i madh ushqimi për stafin e spitalit. Të infektuarit kanë shfaqur simptoma të lehta.
Rruga Press