Rusia vetëm në muajin tetor ka regjistruar 75 mijë të vdekur nga Covid-19

Rusia kishte 74,893 vdekje të lidhura me Covid-19 vetëm në muajin tetor, muaji me më shumë vdekje që nga fillimi i pandemisë, raportoi të premten agjencia statistikore Rostat.

Numri i përgjithshëm i viktimave të pandemisë në Rusi ishte 520 mijë në fund të muajit tetor, sipas Rostat, i cili ka një përkufizim më të gjerë të vdekjeve të lidhura me virusin sesa vlerëson qeveria.

Sipas raportit, Rusia, me 145 milionë banorë, është vendi i tretë më i prekur në botë pas Shteteve të Bashkuara dhe Brazilit.

Sipas qeverisë ruse, 278,857 njerëz kanë vdekur që nga fillimi i pandemisë, raporton Washingtonpost.

Rusia ka disa vaksina të veta, duke përfshirë Sputnik V, por vetëm 39.9 për qind e 144 milionë rusëve janë plotësisht të vaksinuar.

Rruga Press